Month: September 2024

TG: ఖమ్మంలో వరదలు బాధాకరమైన సందర్భమని సీఎం రేవంత్ రెడ్డి అన్నారు. ఇళ్లు దెబ్బతిన్నవారికి తక్షణ సాయంగా రూ.10 వేలు ఇవ్వాలని కలెక్టర్ ను ఆదేశించారు. వరద ప్రభావిత ప్రాంతాల్లో పర్యటించిన ఆయన మాట్లాడారు. నష్టంపై అధికారులు అంచనా వేసి నివేదికలు ఇస్తే అనుగుణంగా పరిహారం ఇస్తామని చెప్పారు. సర్టిఫికెట్లు కోల్పోయిన వారికి కొత్తవి ఇచ్చే బాధ్యత ప్రభుత్వం తీసుకుంటుందన్నారు.

గంభీరావుపేట మండలం నర్మల మానేరు డ్యాంలో ఓ వ్యక్తి గల్లంతయ్యాడు. స్థానికుల ప్రకారం.. మాచారెడ్డి మండలం లచ్చపేట గ్రామానికిచెందిన కైరం కొండ శివరాములు (55) అనే జాలరి చేపలు పట్టేందుకు ఆదివారం ఉదయం మానేరు డ్యామ్లోకి వెళ్లాడు. ఎంత గాలించినా ఆయనఆచూకీ లభించకపోవడంతో మాచారెడ్డి మాచారెడ్డి పోలీస్స్టేషన్లో కుటుంబీకులు ఫిర్యాదు చేశారు. డ్యామ్ మత్తడి దూకుతున్నందున ఎవరు ఇక్కడికి రావద్దని పోలీసులు హెచ్చరిస్తున్నారు.

‘బిగ్ బాస్ తెలుగు 8′ ఈరోజు ప్రారంభమైంది. విష్ణుప్రియ (యాంకర్), ఆదిత్య ఓం (లాహిరి లాహిరి లాహిరిలో సినిమా), అభయ్ నవీన్ (పెళ్లి చూపులు), కిర్రాక్ సీత(7arts), యష్మీగౌడ (స్వాతి చినుకులు), నిఖిల్ మలియక్కల్(గోరింటాకు సీరియల్), ప్రేరణ (కృష్ణ ముకుంద మురారీ), సోనియా (నటి), శేఖర్ భాషా(RJ), నాగమణికంఠ (యాక్టర్), పృథ్వీరాజ్(నటుడు), నైనిక (డాన్సర్), ఇన్ఫ్లూయెన్సర్స్ బెజవాడ బేబక్క, నబీల్ అఫ్రీది కంటెస్టెంట్స్.

MHBD జిల్లాలో విషాద ఘటన చోటు చేసుకుంది. ఖమ్మం జిల్లా కారేపల్లి, గంగారాం తండాకు చెందిన నునావత్ మోతీలాల్, ఆయన కూతురు వ్యవసాయ శాస్త్రవేత్త డా. అశ్విని హైదరాబాద్ వస్తుండగా వారు ప్రయాణిస్తున్న కారు వరద నీటిలో కొట్టుకుపోయింది. అశ్విని మృతదేహం లభ్యం కాగా మోతీలాల్ ఆచూకీ లభించలేదు. వారిద్దరూ ఛత్తీస్గఢ్లోని రాయ్పూర్లో జరిగే సదస్సుకు హాజరయ్యేందుకు శంషాబాద్ విమానాశ్రయానికికారులో బయలుదేరారు.